Пресс-центр

5 февраля 2020

ААТ «БЕЛАЗ» у асобе кампаніі Belazia PTE LTD стала ўдзельнікам AFRICA MINING INDABA 2020. Гэта найбуйнейшая афрыканская канферэнцыя, якая ахоплівае самы шырокі круг пытанняў разведкі і здабычы карысных выкапняў, праходзіць з 3 па 6 лютага ў горадзе Кейптаўне, ПАР.

INDABA – найбуйнейшая інвестыцыйная галіновая падзея на тэрыторыі Афрыкі, якая збірае кіраўнікоў дзяржаў, прадстаўнікоў міністэрстваў, буйных, сярэдніх і дробных ігракоў горнай прамысловасці, інвестараў, а таксама пастаўшчыкоў горнага абсталявання і паслуг.

У дзень адкрыцця стэнд БЕЛАЗа наведалі прадстаўнікі вядучых горназдабываючых кампаній з ПАР, Зімбабвэ, Мазамбіка, Маўрытаніі, Танзаніі, Анголы, Ганы, Батсваны, Буркіна-Фасо, Конга, Дэмакратычнай Рэспублікі Конга, Егіпта, Нігерыі, Малі, Гвінеі.

Зацікаўленасць у супрацоўніцтве выказалі пастаўшчыкі абсталявання, камплектуючых і тэхналогіі з Канады, Аўстраліі, Вялікабрытаніі і Паўднёва-Афрыканскай Рэспублікі.

Мерапрыемства выклікала цікавасць не толькі ў кампаній, якія працуюць у рэгіёне Афрыкі. У рамках выставачнага форуму праходзяць сустрэчы з кампаніямі з Расіі, Еўропы і Азіі.

Удзел у выставе AFRICA MINING INDABA 2020 стаў новым этапам супрацоўніцтва кампаніі Belazia PTE LTD з вядучымі горназдабываючымі кампаніямі Афрыкі па пастаўках тэхнікі вытворчасці Беларускага аўтамабільнага завода на рынак гэтага кантынента.