Пресс-центр

18 декабря 2019

17 снежня ў Кіраўскім філіяле АТ “Апатит” (Група «ФосАгро») ва ўрачыстай абстаноўцы былі ўведзены ў эксплуатацыю два “БЕЛАЗы” асабліва вялікай грузапад’ёмнасці.

Новую прапіску на Усходнім рудніку атрымалі асаблівыя беларускія кар’ерныя самазвалы: 130-тонны БЕЛАЗ-75131 сышоў з заводскага канвеера пад юбілейным нумарам 4 000, а 180-тоннік БЕЛАЗ-75180 стаў першым кар’ерным самазвалам такой грузапад’ёмнасці ў Кіраўскім філіяле АТ “Апатит”.

Белазаўская тэхніка пачала паступаць на Кіраўскі філіял у межах пагаднення, падпісанага ў верасні гэтага года.

БЕЛАЗ выйграў тэндар на пастаўку ў бліжэйшыя тры гады вялікай партыі кар’ерных самазвалаў у Кіраўскі філіял АТ “Апатит”. Першыя машыны ў межах новай дамовы будуць ўведзеныя ў эксплуатацыю ўжо ў гэтым годзе, і гэтая пастаўка будзе асаблівай як для КФ АТ “Апатит”, так і для ААТ “БЕЛАЗ”. У Хібіны ўжо прыйшлі шэсць самазвалаў БЕЛАЗ-75180 грузапад’ёмнасцю 180 тон, якія да гэтага на прадпрыемстве не прымяняліся, і сем 130-тоннікаў БЕЛАЗ-75131.
Плануецца таксама, што самазвалы “БЕЛАЗ” у наступным будуць мадыфікаваныя і набудуць новыя тэхнічныя характарыстыкі. Дадатковае ўнікальнае абсталяванне дазволіць кіраваць тэхнікай на вялікай адлегласці. БЕЛАЗ зацікаўлены ў тым, каб гэтыя тэхналогіі развіваліся на Кольскім паўвостраве. “У далейшым мы плануем рабатызаваць кар’ерныя самазвалы “БЕЛАЗ”, каб стварыць тут, у Хібінах, лічбавы руднік, руднік будучыні. Эксперыментальную пляцоўку па працы кар’ернай тэхнікі ў беспілотным рэжыме плануецца стварыць у Ньоркпахкскім кар’еры Усходняга рудніка,” – пракаменціраваў перспектывы супрацоўніцтва з БЕЛАЗам Уладзімір Давыдзенка, генеральны дырэктар АТ “Апатит”, пасля падпісання пагаднення.