Пресс-центр

9 марта 2020

Беларускі аўтамабільны завод актыўна пашырае геаграфію паставак і нарошчвае долю экспарту сваёй прадукцыі як на традыцыйных рынках, так і на новых. Прапаноўваючы сваю тэхніку, ААТ «БЕЛАЗ» індывідуальна падыходзіць да кожнай канкрэтнай пастаўкі і ўмоў рэалізацыі ўзаемавыгадных праектаў.

У частцы развіцця гандлёва-эканамічнай дзейнасці на рынках Рэспублікі Беларусь і далёкага замежжа БЕЛАЗ і фінансава-лізінгавая кампанія ААТ «Прамагралізінг» прадастаўляюць розныя схемы і ўмовы фінансавання і імкнуцца задаволіць патрэбы сваіх кліентаў ва ўсіх рэгіёнах свету. У лютым 2020 года БЕЛАЗ і «Прамагралізінг» падпісалі мемарандум аб узаемадзеянні і супрацоўніцтве.

Партнёрства ААТ «БЕЛАЗ», найбуйнейшага ў свеце вытворцы кар’ернай тэхнікі, і ААТ «Прамагралізінг», аднаго з вядучых лізінгавых аператараў Беларусі, працягваецца ўжо не адзін год. Узаемавыгаднае супрацоўніцтва кампаній будзе і ў далейшым садзейнічаць прасоўванню прадукцыі БЕЛАЗа і паслуг «Прамагралізінга» на нацыянальным і міжнародным рынках, развіццю ўзаемадзеяння і рэалізацыі сумесных праектаў.