15 декабря 2020
Новости
Парк тэхналагічнага транспарту АТ «Сібірскі Антрацыт» (уваходзіць у групу «Сібантрацыт») у Новасібірскай вобласці папоўніцца высокатэхналагічнымі кар’ернымі самазваламі «БЕЛАЗ».
У снежні Беларускі аўтамабільны завод пачне адгрузку першай партыі кар’ернай тэхнікі ў адрас АТ «Сібірскі Антрацыт». Расійскай кампаніі па здабычы антрацыту – самага лепшага гатунку каменнага вугалю – будзе пастаўлена дзесяць 220-тонных самазвалаў БЕЛАЗ-75307 і чатырнаццаць машын БЕЛАЗ-75131 грузападымальнасцю 130 тон.
– Мы накіравалі істотныя інвестыцыі ў пашырэнне парку аўтатэхнікі, бо гэта неабходна для рэалізацыі нашай праграмы па павелічэнні аб’ёмаў здабычы антрацыту ў 2021 годзе: у параўнанні з 2020 годам мы чакаем рост 35 %, – заявіў генеральны дырэктар КК «Сібантрацыт» Сяргей Мельнікаў.
Тэхпарк «Сібірскага Антрацыта» налічвае больш за семдзесят адзінак самазвалаў «БЕЛАЗ» асабліва вялікай грузападымальнасці і пасля папаўнення новымі машынамі павялічыцца прыкладна на трэць.
Надзейнасць, бяспека, эфектыўнасць і максімальная адпаведнасць умовам эксплуатацыі – вось ключавыя характарыстыкі, уласцівыя кар’ерным самазвалам «БЕЛАЗ». Менавіта такая тэхніка дапамагае вуглездабытчыкам Сібіры дасягаць высокіх вытворчых вынікаў.
На мінулым тыдні «Сібантрацыт» здабыў рэкордную 100-мільённую тону антрацыту, і ў гонар гэтай знакавай у гісторыі кампаніі мяжы 10 снежня на прадпрыемстве адбылася ўрачыстая цырымонія з удзелам перадавікоў вытворчасці.
Фото sibanthracite.ru
навіны: