Пресс-центр

3 сентября 2020

З пачатку года ААТ «БЕЛАЗ» значна нарасціў долю адгрузкі прадукцыі ў далёкае замежжа. Адным з напрамкаў у гэтым шырокім экспартным патоку сталі адгрузкі кар'ернай тэхнікі ў адрас алжырскіх партнёраў кампаніі. У жніўні БЕЛАЗ перамог яшчэ ў двух тэндэрах на пастаўку тэхнікі для найбуйнейшага вытворцы цэменту ў Алжыры кампаніі Group Industrial Cement Algeria (GICA Group).

Па стане на канец жніўня бягучага года ў адрас гэтай паўночнаафрыканскай дзяржаўнай кампаніі ўжо адгружана 12 кар'ерных самазвалаў БЕЛАЗ-7555Е грузападымальнасцю 60 тон і 9 франтальных пагрузчыкаў
БЕЛАЗ-78221. Пастаўленая тэхніка заклікана значна павялічыць аб'ёмы вытворчасці цэменту ў кар'ерах Saoura і Zahana, а эксплуатацыя гэтых машын у комплексе дае максімальна эфектыўны вынік.

Ацаніўшы па заслугах перавагі выкарыстання ў сваіх кар'ерах белазаўскай тэхнікі, GICA Group на днях абвясціла нашу кампанію пераможцай яшчэ ў двух тэндэрах. Кантракт на пастаўку яшчэ 12 самазвалаў БЕЛАЗ-7555Е у кар'ер Saoura ўжо заключаны, адгрузка машын будзе ажыццяўляцца ў верасні.

Не спыняючыся на дасягнутым, Беларускі аўтамабільны завод працягвае планамерна пашыраць узаемадзеянне з горназдабываючымі кампаніямі Алжыра, прымаючы ўдзел яшчэ ў трох тэндэрах: на пастаўку чатырох 60-тонных кар'ерных самазвалаў «БЕЛАЗ» для кар'ера Meftah, а таксама трох франтальных пагрузчыкаў для кар'ераў Granucentre і d` Oggaz.