Пресс-центр

26 октября 2020

БЕЛАЗ прымае ўдзел у Міжнароднай прамысловай анлайн-выставе ТеМЕх, якая пачала сваю працу на віртуальнай пляцоўцы 14 кастрычніка і прадоўжыцца да 14 студзеня 2021 года.

Сёння пандэмія аказвае сур’ёзны ўплыў на міжнародную дзелавую актыўнасць: прыходзіцца працаваць у новай рэальнасці, дзе камунікацыі пераходзяць у анлайн. Аптымальна эфектыўным спосабам прасоўвання свайго прадукту ў бягучай сітуацыі для кампаніі з’яўляецца ўдзел у віртуальнай выставе.

Выстава TeMEx уяўляе сабой інтэрактыўную экспазіцыю, якая складаецца з віртуальных стэндаў вядучых міжнародных кампаній Еўрапейскага саюза, СНД і шэрагу іншых краін, дзе прадстаўлены віртуальныя ўзоры прадукцыі, відэаролікі, дзелавыя прапановы.

Так, БЕЛАЗ дэманструе свае апошнія распрацоўкі па розных напрамках: новыя мадэлі кар’ерных самазвалаў з перспектыўнай электратрансмісіяй, з новым мадэльным шэрагам рухавікоў, самазвалы на газавым паліве, дызель-троллейвозы, рабатызаваныя самазвалы і іншую спецтэхніку.

Для наведвальнікаў стэнда ААТ «БЕЛАЗ» падрыхтавана персанальнае відэапрывітанне. У іх таксама ёсць магчымасць пагутарыць з прадстаўнікамі кампаніі з дапамогай тэкставых чатаў: агульнага – для зносін з усімі наведвальнікамі стэнда і персанальнага – для зносін тэт-а-тэт. На звароты наведвальнікаў выставы адкажуць кампетэнтныя спецыялісты прадпрыемства.