Пресс-центр

10 апреля 2020

Выконваючы партнёрскія абавязацельствы ААТ «БЕЛАЗ» адгрузіў чарговую партыю 180-тонных самазвалаў БЕЛАЗ-75180 у Кіраўскі філіял АТ «Апатыт» (Група «ФосАгро»).

Адгрузка ажыццяўляецца ў рамках пагаднення аб супрацоўніцтве, падпісанага ў верасні 2019 году паміж ААТ «БЕЛАЗ» і АТ «Апатыт» (Група «ФосАгро») і прадугледжвае пастаўку не менш за 50 кар'ерных самазвалаў на працягу трох гадоў, пры гэтым колькасць самазвалаў вялікай грузападымальнасці ў агульным аб'ёме пераважае.

БЕЛАЗ-75180 грузападымальнасцю 180 тон:
– высокая прадукцыйнасць, надзейнасць і эканамічнасць самазвалаў серыі 7518 забяспечваецца ўжываннем высокаэфектыўных рухавікоў вядучых маторабудаўнічых фірмаў, электрамеханічнай трансмісіяй пераменна-пераменнага току, эфектыўнай сістэмай перакульвання платформы;
– добрая манеўранасць і высокая плаўнасць ходу самазвалаў дадзенай серыі дасягаюцца за кошт аптымальна падабраных геаметрычных параметраў машын і рулявога кіравання, выкарыстання пнеўмагідраўлічнай падвескі арыгінальнай канструкцыі.

Гарнякі ўжо ацанілі перавагі 180-тоннікаў «БЕЛАЗ», якія дапамагаюць ім павялічваць аб'ём горнай масы, што здабываецца прадпрыемствам, і выконваць вытворчыя паказчыкі за той жа адрэзак часу з большым грузаабаротам.

У мінулым годзе новую прапіску ў Кіраўскім філіяле ўжо атрымалі 16 беларускіх кар’ернікаў: шэсць 180-тоннікаў БЕЛАЗ-75180 і дзесяць 130-тоннікаў БЕЛАЗ-75131. У лютым у Мурманскую вобласць прыбылі яшчэ тры 130-тонныя машыны. Самазвалы «БЕЛАЗ» будуць задзейнічаны на распрацоўцы апатыт-нефелінавых радовішчаў у Хібінах. Прычым 180-тонныя самазвалы да гэтага на прадпрыемстве не эксплуатаваліся.

У планах ААТ «БЕЛАЗ» і АТ «Апатыт» у наступным мадыфікаваць самазвалы ў інтэлектуальныя. Дадаткова ўстаноўленае абсталяванне дазволіць кіраваць тэхнікай на вялікай адлегласці і стварыць у Хібінах лічбавы руднік. Эксперыментальную пляцоўку па рабатызаванай працы кар'ернай тэхнікі ў беспілотным рэжыме плануецца стварыць у Ньорпакхскім кар'еры Усходняга рудніка.

Супрацоўніцтва ААТ «БЕЛАЗ» і АТ «Апатыт» плённа развіваецца.
З падпісання ў верасні мінулага года пагаднення пачаўся новы этап шматгадовага партнёрства кампаній, і гэта не толькі рабатызацыі кар'ерных самазвалаў «БЕЛАЗ», але і пераход беларускай кар'ернай тэхнікі на газадызельны рэжым.