Пресс-центр

10 февраля 2021

У рамках дзеючай доўгатэрміновай дамовы аб стратэгічным партнёрстве з БЕЛАЗам горназдабыўным прадпрыемствам АТ «Вугальная кампанія «Кузбасразрэзвугаль» у бліжэйшыя месяцы будуць пастаўленыя 29 кар'ерных самазвалаў «БЕЛАЗ» грузападымальнасцю 220 тон.

Тры 220-тоннікі БЕЛАЗ-75306 у канцы студзеня ўжо адгружаны нашай кампаніяй у адрас Кедраўскага вугальнага разрэзу, аднаго з вытворчых філіялаў АТ «ВК «Кузбасразрэзвугаль». На люты-красавік для прадпрыемстваў адной з буйнейшых вугальных кампаній Расіі плануецца пастаўка яшчэ 26 адзінак 220-тонных «БЕЛАЗаў».

Кедраўскі вугальны разрэз: магутныя кар'ерныя самазвалы «БЕЛАЗ» у справе.

Створаныя на аснове шматгадовых традыцый канструявання, сучасныя, надзейныя і прадукцыйныя, з нізкім узроўнем эксплуатацыйных выдаткаў 220-тонныя гіганты БЕЛАЗ-75306 з'яўляюцца аднымі з самых папулярных машын, якія маюць устойлівы попыт на сусветных рынках кар'ернай тэхнікі.

Зборка 220-тонных кар'ерных самазвалаў «БЕЛАЗ» на завадскім канвееры.

БЕЛАЗ супрацоўнічае з кампаніяй «Кузбасразрэзвугаль» больш за паўстагоддзя. Усе гэтыя дзесяцігоддзі адзначаны цесным і плённым партнёрствам. У шэрагу тэхналагічнага транспарту (а гэта больш за 500 адзінак!), які эксплуатуецца на здабыўных разрэзах кампаніі, дамінуючая роля належыць менавіта тэхніцы вытворчасці ААТ «БЕЛАЗ».

Парк кар'ерных самазвалаў АТ «ВК «Кузбасразрэзвугаль» больш чым на 90 % складаецца з «БЕЛАЗаў» грузападымальнасцю ад 45 да 360 тон.

Таксама на прадпрыемствах флагманскай вугальнай кампаніі Кемераўскай вобласці працуюць машыны маркі «БЕЛАЗ», якія абслугоўваюць горна-транспартныя работы, і спецтэхніка (паліваарашальныя машыны, цягачы-буксіроўшчыкі, пагрузчыкі, бульдозеры).

Улік запытаў спажыўцоў кар'ернай тэхнікі «БЕЛАЗ», высокі ўзровень яе канкурэнтаздольнасці, бесперапыннае імкненне ўдасканальваць сваю прадукцыю, забеспячэнне яе своечасовых паставак – усё гэта спрыяе шматгадоваму даверу i ўмацаванню ўзаемавыгадных адносін ААТ «БЕЛАЗ» і АТ «КК «Кузбасразрэзвугаль».