Пресс-центр

13 октября 2020

АТ «Лебядзінскі ГАК», які ўваходзіць у кампанію «Металаінвест», далучыўся да маштабнага праекту 2020 года па прысваенні імёнаў выдатных людзей і знамянальных дат кар’ерным самазвалам «БЕЛАЗ» на расійскіх горназдабываючых прадпрыемствах.

Кар’ерным самазвалам «БЕЛАЗ» грузападымальнасцю 220 тон, што папоўнілі ў верасні парк аўтатрактарнага ўпраўлення Лебядзінскага ГАКа, упершыню ў гісторыі прадпрыемства далі імёны заслужаных ветэранаў-гарнякоў.

Яроменка Пётр Іванавіч, Ярыгін Леанід Пятровіч і Пажыдаеў Іван Мацвеевіч – такія імёны зараз красуюцца на ахоўных казырках над вадзіцельскімі кабінамі магутных 220-тонных БЕЛАЗ-75309 у знак падзякі і павагі ганаровым работнікам камбіната за іх шматгадовую працу.

Вадзіцелі Пётр Яроменка і Леанід Ярыгін, слесар-рамонтнік Іван Пажыдаеў адпрацавалі на Лебядзінскім ГАКе не адзін дзясятак гадоў, неаднаразова адзначаліся ўзнагародамі розных узроўняў за высокі прафесіяналізм. Усе яны – перадавікі вытворчасці, высакакласныя спецыялісты і мудрыя настаўнікі, якімі ганарацца лебядзінцы.

– – Прысваенне імёнаў перадавікоў вялікагрузным «БЕЛАЗам» – выдатная практыка. Для ветэранаў – гэта знак пашаны і павагі, для моладзі – прыклад для пераймання і стымул для пакарэння новых вышынь, – адзначыў упраўленчы дырэктар Лебядзінскага ГАКа Алег Міхайлаў.

220-тонныя самазвалы БЕЛАЗ-75309 – высокапрадукцыйныя, магутныя, надзейныя машыны. За працай усіх сістэм кар’ернага гіганта сочыць электроніка, а інфармацыя выводзіцца на прыборную панэль. Малюнак з камер, усталяваных па перыметры вялікагруза, выводзіцца на манітор у кабіне і забяспечвае аператару поўны агляд. Эрганамічнае размяшчэнне элементаў кіравання, клімат-кантроль і зручнае крэсла дазваляюць аператару самазвала эфектыўна выконваць працу ў камфортных умовах.

Рэалізацыя праекта па прысваенні імёнаў выдатных людзей і памятных дат высокатэхналагічнай тэхніцы «БЕЛАЗ» дазваляе адзначыць заслугі тых, хто ўнёс значны ўклад у развіццё горназдабываючай галіны і пазнаёміць новае пакаленне гарнякоў з імёнамі ганаровых працаўнікоў, прафесіяналаў сваёй справы.

Фота Iнстаграм-акаунт Лебядзiнскага ГАКа