Пресс-центр

6 января 2021

Чарговае пасяджэнне наглядальнага савета ААТ «БЕЛАЗ» – кіруючая кампанія холдынгу «БЕЛАЗ-ХОЛДЫНГ» прайшло 5 студзеня 2021 года.

На пасяджэнні ў адпаведнасці з парадкам дня абмяркоўваліся перспектывы развіцця прадпрыемства і быў зацвержданы гадавы бізнес-план развіцця ААТ «БЕЛАЗ» на 2021 год.

Адыходзячы год быў для прадпрыемства, мабыць, адным з самых цяжкіх за апошняе дзесяцігоддзе. Пасля насычэння ў 2017–2019 гадах кар'ернай тэхнікай «БЕЛАЗ» традыцыйных рынкаў у 2020 годзе кампаніі прыйшлося працаваць у вельмі складаных умовах, выкліканых і двухразовым падзеннем сусветных коштаў на вугаль, і абясцэненнем нацыянальных валют Расіі і Казахстана, і пандэміяй каранавіруса, якая стала сур'ёзным выпрабаваннем для ўсёй горназдабываючай галіны.

Бізнес-план развіцця ААТ «БЕЛАЗ» на 2012 год распрацаваны на падставе аналізу тэндэнцый развіцця здабываючых галін прамысловасці Расіі, краін СНД і далёкага замежжа – асноўных спажыўцоў кар'ернай тэхнікі, а таксама з улікам дынамікі макраэканамічных ваганняў на сусветных сыравінных і фінансавых рынках, апошніх змен у заканадаўстве Рэспублікі Беларусь, ацэначных значэнняў прагнозных параметраў Міністэрства эканомікі Рэспублікі Беларусь на 2021 год.

Вытворчая праграма на 2021 год сфарміравана з улікам структуры наяўных запасаў гатовай прадукцыі на складах і накіравана на максімальна магчымы рост і дыверсіфікацыю экспартных паставак.

Экспарт тавараў ААТ «БЕЛАЗ» на 2021 год запланаваны на максімальна магчымым у існуючых умовах узроўні і чаканым тэмпе росту – 124,7% да 2020 года. Запланавана павелічэнне аб'ёму адгрузкі ў Расію (тэмп росту 197%), намечаны рост экспарту ў краіны Еўрапейскага саюза (тэмп росту 133,2%) і падтрыманне на высокім узроўні адгрузкі ў краіны далёкай дугі.

Чакаецца рост паставак прадукцыі ў ПАР, Кітай, Балгарыю, Польшчу з наступнай рэалізацыяй спажыўцам Польшчы, Чэхіі, Славакіі і Літвы. Прагназуецца рост экспарту ў Боснію і Герцагавіну, Інданэзію, Зімбабвэ, Сербію, Індыю. Адновяцца пастаўкі тэхнікі ў Анголу і Чылі. Чаканая доля краін далёкага замежжа ў агульным аб'ёме рэалізацыі па выніках 2021 года складзе каля 22%.

Запланаваны аб'ём выпуску і рэалізацыі інавацыйнай прадукцыі забяспечыць у 2021 годзе выкананне паказчыка «ўдзельная вага інавацыйнай прадукцыі ў аб'ёме адгружанай прадукцыі» па ААТ «БЕЛАЗ» на ўзроўні 40,4%.

Значная частка крыніц развіцця ААТ «БЕЛАЗ» у 2021 годзе будзе накіравана на рэалізацыю інвестыцыйнага плана. Аб'ём інвестыцый у асноўны капітал складзе 110,0% з улікам індэкса-дэфлятара да ўзроўню мінулага года. У 2021 годзе ААТ «БЕЛАЗ» плануе праводзіць абнаўленне і мадэрнізацыю асноўных фондаў (у першую чаргу гэта тычыцца закупкі новага абсталявання і мадэрнізацыі таго, што ўжо выкарыстоўваецца, мадэрнізацыі і ўводу ў эксплуатацыю аб'ектаў будаўніцтва, рэканструкцыі аб'ектаў будаўніцтва).