Пресс-центр

6 августа 2020

Два кар’ерныя самазвалы БЕЛАЗ-7540К грузападымальнасцю 30 тон на пачатку жніўня прыбудуць у Арэнбургскую вобласць на руднік «Вясенні» расійскай кампаніі АТ «АРМЕТ» (уваходзіць у АТ «Руская медная кампанія»).

30-тонныя «БЕЛАЗы» зоймуць належнае месца ў тэхналагічным ланцужку здабычы медных руд і дапамогуць АТ «АРМЕТ» выканаць намечаныя планы па вывазцы горнай масы.

30-тоннікі БЕЛАЗ-7540К аснашчаны высокаэфектыўным 400-моцным рухавіком, сучаснай гідрамеханічнай трансмісіяй, надзейнай тармазной сістэмай, гідраўлічнай сістэмай рулявога кіравання і перакульвання платформы.

Машыны эканамічныя па выдатку паліва, змазачных матэрыялаў і з улікам складаных умоў эксплуатацыі медна-цынкавага кар’ера пад Орскам укамплектаваны дадатковымі опцыямі – вузламі і сістэмамі, якія пашыраюць функцыянал машын і паляпшаюць іх эксплуатацыйную прывабнасць. У прыватнасці, кабіна БЕЛАЗ-7540К для камфортнага ваджэння абсталявана кандыцыянерам, электрападаграваемымі люстэркамі задняга віду і дадатковым абагравальнікам.

АТ «АРМЕТ», які адзначае ў гэтым годзе 25-гадовы юбілей з дня свайго заснавання, займаецца здабычай і першаснай перапрацоўкай медных і медна-цынкавых руд на двух рудніках. На адным з іх пад назвай «Вясенні», размешчаным у Домбараўскім раёне Арэнбургскай вобласці, здабыча руды вядзецца адкрытым спосабам на базе Вясенне-Аралчынскага медна-калчаданнага радовішча. Новыя 30-тонныя «БЕЛАЗы» папоўняць парк беларускай кар’ернай тэхнікі АТ «АРМЕТ», які складаецца з 45-тонных кар’ерных самазвалаў серыі БЕЛАЗ-4547 і цягача БЕЛАЗ-74470, якія ўжо працуюць на рудніку «Вясенні».