Пресс-центр

10 марта 2021

У аўторак, 9 сакавіка, адбылося пасяджэнне тэхнічнага савета ААТ «БЕЛАЗ» – кіруючая кампанія холдынгу «БЕЛАЗ-ХОЛДЫНГ», у працы якога прыняў удзел міністр прамысловасці Рэспублікі Беларусь Пётр Пархомчык.

У першай частцы свайго выступлення Пётр Аляксандравіч абмаляваў сітуацыю, якая цяпер складваецца ў горназдабыўной галіне і на рынку кар’ернай тэхнікі. Гэта і рэзкае павышэнне за апошнія паўгода коштаў на вугаль, медзь, некаторыя іншыя сыравінныя рэсурсы і віды прадукцыі металургіі, і прагназуемае экспертамі бурнае развіццё вуглездабыўных кампаній Расіі, Манголіі, Інданезіі, Пакістана.

Міністр прамысловасці адзначыў станоўчую дынаміку (даволі высокія тэмпы росту вытворчасці і асабліва экспарту) да ўзроўню аналагічнага перыяду мінулага года, прадэманстраваную БЕЛАЗам. І парэкамендаваў не спыняцца на дасягнутым, а працягваць экспансію на рынкі краін далёкага замежжа і быць гатовымі да ўсплёску спажывецкага попыту на кар’ерную тэхніку на традыцыйных для нас рынках і нават да вяртання на пазіцыі, займаныя у самыя спрыяльныя для Беларускага аўтазавода гады.

Другая частка выступлення Пятра Пархомчыка была прысвечана міжнароднай абстаноўцы і ўнутрыпалітычнай сітуацыі. Таксама ішла размова аб ідэалагічнай рабоце, якая праводзіцца на прадпрыемстве, галоўны яе вынік, на думку Пятра Аляксандравіча, павінен быць такім: «Каб людзі ганарыліся, што яны працуюць на БЕЛАЗе». Была закранутая і тэма пандэміі.

Далей адбылася размова, падчас якой можна было задаць міністру прамысловасці пытанні і атрымаць вычарпальныя адказы, адпаведна і ён пытаўся пра многае ў белазаўскіх кіраўнікоў, якія сабраліся ў зале. І, вядома ж, з вуснаў Пятра Аляксандравіча прагучалі віншаванне і цёплыя пажаданні жаночай палове нашага працоўнага калектыву ў сувязі са святам 8 Сакавіка.