18 февраля 2021
Новости
Губернатар Свярдлоўскай вобласці Расіі Яўген Куйвашаў высока ацаніў магчымасці сучасных кар'ерных самазвалаў «БЕЛАЗ» падчас візіту 17 лютага на новы кар'ер ЕЎРАЗ Качканарскага ГАКа.
![](/upload/iblock/63d/f7c73007bbb07e4a082c9c472be72488_970x_.jpg)
![](/upload/iblock/8b9/f675dc5b0281f7efff3b0248b69b89e6_970x_.jpg)
![](/upload/iblock/bdb/d8962cda3fe6d35deb5174aab39dee48-_._.jpg)
![](/upload/iblock/07a/3339a64235567dfe975ccf142ecaa3b7_970x_.jpg)
Кіраўнік рэгіёну Яўген Куйвашаў прыняў удзел у запуску ў працу новых 240-тонных «БЕЛАЗаў» на новым радовішчы жалезнай руды ЕЎРАЗ Качканарскага ГАКа
Прамысловая здабыча жалезнай руды на Уласна-Качканарскім радовішчы (УКР), размешчаным на схілах гары Качканар, пачалася ў лістападзе мінулага года. Губернатару распавялі, што ў 2021 годзе тут плануецца здабыць каля 5 млн тон руды. Для гэтага прадпрыемствам за апошні месяц набыта дзевяць адзінак сучаснай горнай тэхнікі. У іх ліку – чатыры высокатэхналагічныя кар'ерныя самазвалы БЕЛАЗ-75313 грузападымальнасцю 240 тон, якія ўпершыню выкарыстаны на УКР для перавозкі жалезнай руды з забою да перагрузачных пунктаў. Да гэтага «БЕЛАЗы» транспарціравалі тут раскрыўную пароду.
![](/upload/iblock/b62/8e45eb05fb10c8ee19a4e8e51837ffb0_970x_.jpg)
![](/upload/iblock/9e5/2-belaz.by.jpg)
Для беларускіх сталёвых гігантаў на УКР пракладзеная шматкіламетровая тэхналагічная дарога шырынёй 32 м, а таксама будуць пабудаваныя зручныя заезды на працоўныя пляцоўкі пад загрузку
Качканарскія гарнякі мэтанакіравана выбіраюць тэхніку «БЕЛАЗ» для вырашэння самых складаных вытворчых задач па транспарціроўцы горнай пароды ў новым кар'еры. Першыя для гэтага ўральскага рэгіёну тры 240-тонныя самазвалы паспяхова зарэкамендавалі сябе, працуючы на іншым кар'еры ЕЎРАЗ Качканарскага ГАКа з 2019 года, а яшчэ два кар’ернікі БЕЛАЗ-75313 папоўнілі парк горнага транспарту камбіната мінулым летам. Такім чынам, на КГАК цяпер эксплуатуюцца дзевяць «БЕЛАЗаў» грузападымальнасцю 240 тон. У бліжэйшыя гады для рэалізацыі першай чаргі развіцця УКР плануецца набыццё яшчэ трох самазвалаў серыі БЕЛАЗ-7531.
Магутны 240-тонны самазвал БЕЛАЗ-75313 з'яўляецца адной з белазаўскіх навінак у сваім класе грузападымальнасці. Аб'яднаўшы ў сабе самыя прагрэсіўныя рашэнні, гэтая надзейная і бяспечная кар'ерная машына стала яшчэ больш тэхналагічнай, яшчэ больш эфектыўнай у працы. Самазвал валодае багатым функцыяналам, паліўнай эканамічнасцю, высокай манеўранасцю, плаўнасцю ходу і ўстойлівасцю на горных дарогах.
навіны: