Пресс-центр

21 сентября 2020

Горнатранспартны парк ПАТ «Коршунаўскі ГАК» (уваходзіць у Групу «Мечал», Расійская Федэрацыя) папоўніўся новымі «БЕЛАЗамі». Тры кар'ерныя самазвалы грузападымальнасцю 130 тон набыты ў рамках інвестыцыйнай праграмы па тэхналагічным абнаўленні камбіната.

Новыя самазвалы БЕЛАЗ-75131 паступілі на вытворчую пляцоўку Руднагорскага рудніка КГАКа ў Іркуцкай вобласці, дзе іх 130-тонныя субраты паспяхова працуюць ужо не першы год.

У самы бліжэйшы час 130-тоннікі, што паступілі на камбінат, паставяць «на колы».

– «БЕЛАЗы» будуць задзейнічаны для вывазу горнай масы пры пашырэнні плошчаў здабычы на рудніку. Гэта дасць магчымасць атрымаць доступ да новых залежаў жалезнай руды, павялічыць аб’ёмы роскрыву і забяспечыць прадпрыемству салідны задзел для вырабу канцэнтрату жалезнай руды, – адзначыў упраўленчы дырэктар Коршунаўскага горна-абагачальнага камбіната Міхаіл Мажукін.

Самазвалы серыі БЕЛАЗ-7513 разлічаны на эксплуатацыю ў складаных сібірскіх горнатэхнічных умовах. Кар’ернікі валодаюць вялікай магутнасцю дзякуючы надзейнаму і эканамічнаму дызельнаму чатырохтактнаму рухавіку ў 1 600 конскіх сіл. У машынах ужытая электрычная трансмісія з пускарэгулюючай апаратурай на базе мікраэлектронікі і эфектыўная сістэма электрадынамічнага тармажэння. У кабіне аператара «БЕЛАЗа» высокая ступень вібра- і шумапаглынання, маецца кандыцыянер.

Стратэгічнае пагадненне аб супрацоўніцтве БЕЛАЗа з ПАТ «Мечал» дзейнічае з 2011 года. Сучасны парк белазаўскай тэхнікі ў Коршунаўскім ГАКе складаюць два дзясяткі машын.
ПАТ «Коршунаўскі ГАК» Групы «Мечал» – адзінае ва Усходняй Сібіры горна-абагачальнае прадпрыемства з уласнай рэсурснай базай, у якую ўваходзяць Коршунаўскі і Руднагорскі кар’еры Коршунаўскага радовішча.